UMORE AZOKAk, Leioako Kaleko Artisten Azokak, programazioan parte hartzen duten konpainiak sustatzeko xedez, “2019ko Umore Azoka Sarien” deialdia egiten du. Azoka maiatzaren 16tik 19ra arte izango da, eta jarraian doazen oinarrien arabera ebatziko dira:

OINARRIAK

1. Azokan programatuta dauden konpainia guztiek parte hartu ahal izango dute, beren beregi hala adierazi badute, beren ikuskizunaren formatua eta gunea edozein delarik ere.
2. Konpainia bakoitzak azokan aurkeztutako obra edo obrekin parte hartuko du.
3. Umore Azokak izendatutako epaimahaiak, arte eszenikoen profesional eta adituez osatuta, programatutako ikuskizunak ikusi eta horien artean aukeratuko ditu irabazleak.
4. Honako sari hauek ezarri dira:
   • Kaleko ikuskizunik onena
     Trofeo eta diploma
   • Euskadiko kaleko ikuskizunik onena
     Trofeo eta diploma
5. Epaimahaiak honako ebaluazio irizpide hauek hartuko ditu kontuan: arte-kalitatea (zuzendaritza, antzezpena, musika, koreografia, erritmoa…), kalitate teknikoa (jantziak, eszenografia, argiak, atrezzoa, karakterizazioa, soinua, ekoizpena…), originaltasuna, sormena, nobedadea eta erakargarritasuna.
6. Halaber, edozein sari hutsik utz dezake, eta sariak ezin izango dira banatu.Horrez gain, Epaimahaiaren irizpidearen arabera, nahibeste aipamen berezi eman dezake, sari ekonomikorik gabeak.
7. Epaimahaiaren erabakia maiatzaren 19an jakinaraziko da, azokaren amaiera ekitaldian.
8. 2020ko Umore Azokaren harrera ofizialean bantuko dira sariak.
9. Antolakuntzak eta Epaimahaiak eskumena dute oinarriek aurreikusten ez duten edozer ebazteko.
10. Sarietan parte hartzeak oinarri hauek onartzea dakar.