Umore Azoka Saridunak
UMORE AZOKA 2007ko SARIDUNAK
Umore Azoka - Leioako Kaleko Artisten 2007ko Azokaren epaimahaiak VIII. edizio honetako sariak erabaki ditu:UMORE AZOKA SARIA EUSKADIKO MUNTAKETA ONENARI
La Pez taldeari, “La danza que nos parió” lanarengatik. Proposamen freskoa eta urratzailea da, eta hainbat hizkuntza elkartzen ditu, modu ikonoklastan. Horrez gain, zuzeneko komunikazio bikaina lortzen du ikusleekin.
Alquimia 130 taldeari, “Alma candela” lanarengatik. Berariaz leku irekietarako pentsatutako lana da, eta zuzeneko musika eta mugimendua uztartzen ditu. Horrez gain, ura eta sua bezalako elementuekin jolasten du, gaur egungo errituala osatuz.
Ne Me Titere Pas taldeari, “El sainete del señor cura” lanarengatik. Oso proposamen berezia da, eta eszenaratze koherentea dauka.
Al Suroeste Teatro taldeari, “Paso a vaso” lanarengatik. Hizkuntzaren komikoen tradizioarekin lotuta dagoen herri-antzerkiaren ideiari eutsi diote.
